மதுரகவி (கல்வெட்டுக் கதைகள்) - கோகுல் சேஷாத்ரி. பக்.284. ரூ.200.பழனியப்பா பிரதர்ஸ், 25 பீட்டர்ஸ் ரோடு சென்னை 14.

இணையவிற்பனை- உடுமலை டாட் காம்

தமிழகத்தில் கிடைத்திருக்கும் கல்வெட்டுக்கள் சிலவற்றில் கூறப்பட்டுள்ள செய்திகளை மையமாக வைத்துப் பின்னப்பட்டுள்ள சிறுகதைகளின் தொகுப்பு இந்நூல். கல்வெட்டுக்களின் பின்னுள்ள கதைகளை சுவாரஸ்யமாக சிறுகதைக்கே உரிய அழகு குறையாமல் ஆக்கியிருப்பது நூலின் வெற்றி.





பொதுவாக வரலாற்றுக் கதைகள் என்றால் அலுப்புத் தட்டும் என்ற எண்ணம் பரவலாக உண்டு. அதைத் தவிடுபொடியாக்கி வரலாற்றுக் கதைகளையும் படிக்கும் சுவையுடன் தரலாம் என்று நூலாசிரியர் முயன்று தன்னை நிலைநிறுத்தியுள்ளார்.
பெரும்பாலும் கோயில்களை மையமாகக் கொண்ட கல்வெட்டுகளிலிருந்து பெறப்பட்ட கதைகள்தான். சேந்தன், காரிநங்கை, கபிலன். கண்டன், சர்ப்பதேவன், தேவதானம், தேவன் தொட்ட சுனை, சோழியன், கொம்மை, ஆலங்காரி, உடையான், போலோ, மாதேவடிகள் ஹாரம் என கதைகள் வரலாற்றுக் காலத்திற்கு நம்மைக் கொண்டு செல்கின்றன.

கதைகளின் நடை பாராட்டப்படவேண்டிய ஒன்று. மொத்தம் 14 கதைகள். கடைசிக்கதை மதுரகவி, திருவரங்கத்தில் பெருமானுக்குப் பூமாலை கட்டி நந்தவனம் அமைத்து அவர் செய்த தொண்டினை உள்ளம் உருக்கும் நடையில் தெரிவிக்கிறது. ஒவ்வொரு கதையிலும் தொடர்புடைய கோயில், சிலைகள், கோபுரங்களின் தெளிவான படங்கள் நூலுக்கு பலம் சேர்க்கின்றன. சில நாவலாக விரியும் தன்மை கொண்டவை. அவற்றை சிறுகதை என ஆக்கியிருக்கிறார். வரலாற்றுக் கதை படிக்கும் ஆர்வலர்களுக்கு இந்நூல் மிகச்சிறந்த பரிசு.

(18 பிப்-2013 தேதி தினமணி நாளிதழில் வெளியான மதுரகவி புத்தக விமர்சனம். நன்றி - தினமணி நாளிதழ்.)this is txt file